கர்நாடக சங்கீதம் – வாலாஜாபேட்டை வேங்கடரமண பாகவதர்

Walajapet Venkataramana Bagavathar

தியாகராஜரின் சீடர்களில் முக்கியமானவரான வாலாஜாபேட்டை வேங்கடரமண பாகவதர் (1781-1874) தஞ்சாவூர் மாவட்டம் அய்யம்பேட்டையில் உதித்தவர். பின் கரவெட்டி நகர அரசருக்கு இசை கற்றுக்கொடுக்கும் பொருட்டு வேலூர் மாவட்டம் வாலாஜாபேட்டையில் வாழ்ந்தார். தியாகராஜ பாகவதரின் கீர்த்தனைகளை தொகுத்து உலகுக்களித்து கர்நாடக இசைக்கு பெரும் தொண்டாற்றியவர். குருவான தியாகராஜ பாகவதரை போற்றி ஸ்ரீகுரு ஸ்தோத்திராஷ்டகம், ஸ்ரீகுரு மங்களாஷ்டகம் ஆகியவற்றை இயற்றியுள்ளார். வேங்கடரமண பாகவதர், அவரின் மகன் கிருஷ்ணஸ்வாமி பாகவதர் மற்றும் அவரின் சிஷ்யர்களின் வழியே தியாகராஜரின் கீர்த்தனைகள் வெகுவாக மக்களை அடைந்தன. இதன் மூலம் வாலாஜாபேட்டை பாரம்பரியம் கர்நாடக இசையில் உருவாகிற்று.

இவரின் புகழ் பாடும் விதமாக அய்யம்பேட்டையில் ஆண்டுதோறும் மூன்று நாட்கள் சங்கீத விழா கொண்டாடப்படுகிறது.

இசை உலகிற்கு இவர் ஆற்றிய பெரும் தொண்டினை கௌரவிக்கும் விதமாக தபால் துறை 2009ம் ஆண்டில் தபால் தலை மற்றும் முதல் நாள் தபால் உறையும் வெளியிட்டுள்ளது.