தமிழ்நாடு அரசு தொல்லியல் துறையால் பாதுகாக்கப்படும் வரலாற்றுச் சின்னங்கள்

வ. எண் வரலாற்றுச் சின்னத்தின் பெயர் அமைவிடம்
1 அருமாமலை மலையம்பட்டு, குடியாத்தம்
2 ஏழு கன்னியர் சிலைகள் பெருங்காஞ்சி, வாலாஜா
3 கண்டி மன்னர் கல்லறை வேலூர்
4 வாலீஸ்வரர் கோயில் தக்கோலம், அரக்கோணம்
5 கஞ்சா சாகிப் கல்லறை சோளிங்கர்

தமிழ்நாடு அரசு தொல்லியல் துறையால் வேலூா் மாவட்டத்தில் பாதுகாக்கப்படும் தொல்லியல் சின்னங்கள்

பல்லவர் கால ஓவியம் – அருமாமலை

Painting, Armamalai Cave

பல்லவர் கால ஓவியம் – அருமாமலை

வேலூா் மாவட்டம், வாணியம்பாடி வட்டத்தில் உள்ள மேல்மலையாம்பட்டு என்ற ஊருக்கு அருகில் உள்ள சிறுகுன்று தொடர் வரிசையில் இந்நினைவுச்சின்னம் அமைந்துள்ளது. அங்குள்ள குன்றின் அடிப்பாகத்தில் இயற்கையாக அமைந்துள்ள குகை தளத்தின் மேல்பகுதியில் பல்லவர் காலத்து சமணச் சிற்பங்கள் வரையப்பட்டிருந்தது. தற்போது அவைகள் காலப்போக்கில் பெரும்பகுதி உதிர்ந்துவிட்டது. ஓவியங்கள் இருந்தமைக்கான எச்சங்கள் மட்டுமே அங்கும் இங்கும் காணப்படுகிறது. முனைவர் நாகசாமி அவர்கள் தமது ஓவியப்பாவை என்ற நூலில் இங்குள்ள ஓவியம் குறித்து விரிவாக எடுத்துரைக்கின்றார். எனினும் தற்பொழுது அங்கு ஓவியங்கள் உதிர்ந்துவிட்டன. இவ்ஓவியங்களுக்கு கீழே சமணக் கல்படுகைகளும் கி.பி. 7 மற்றும் 8-ம் நூற்றாண்டில் கட்டப்பட்ட சமணர்கள் வாழ்ந்த கட்டிட பகுதிகளும் உள்ளன. இந்நினைவுச் சின்னத்திற்கு மிக அருகாமையிலேயே பெருங்கற்கால நினைவுச்சின்னங்கள் சிலவும் கருப்பு, சிவப்பு மட்பாண்ட ஓடுகளுடன் கூடிய சாம்பல்மேடு ஒன்றும் உள்ளது.

ஏழு கன்னியர் சிலைகள் – பெருங்காஞ்சி

Seven Mothers Sculptures, Perunkanchi

ஏழு கன்னியர் சிலைகள் – பெருங்காஞ்சி

தமிழ்நாடு அரசு தொல்லியல் துறையால் பாதுகாக்கப்பட்டு வரும் தொல்லியல் சின்னங்களில் பெருஞ்காஞ்சி ஏழு கன்னியர் சிலைகளும் ஒன்றாகும். இந்நினைவுச் சின்னம் வாலாசாவில் இருந்து சோளிங்கர் செல்லும் சாலையில் உள்ள பெருங்காஞ்சி என்ற கிராமத்தின் கிழக்கில் அமைந்துள்ளது. பல்லவர் காலத்தில் செதுக்கப்பட்ட இச்சிலைகள் கி.பி. 8-ஆம் நூற்றாண்டை சார்ந்தவைகளாகும். பல்லவர்களின் கலைப்பாணிக்கு இச்சிலைகள் ஓர் நல்ல எடுத்துக்காட்டாக அமைந்துள்ளன.

ஏழு கன்னியர் என்று அழைக்கப்படும்
1. பிராமி
2.மகேஸ்வரி
3.கௌமாரி
4.வைஷ்ணவி
5.வாராகி
6.இந்திராணி
7.சாமுண்டி
இவர்களுடன் விநாயகர் சிற்பமும், வீரபத்திரர் சிற்பமும் அமைந்துள்ளது குறிப்பிடத்தக்கது.

பல்லவர் கால ஓவியம் – அருமாமலை

வேலூா் மாவட்டம், வாணியம்பாடி வட்டத்தில் உள்ள மேல்மலையாம்பட்டு என்ற ஊருக்கு அருகில் உள்ள சிறுகுன்று தொடர் வரிசையில் இந்நினைவுச்சின்னம் அமைந்துள்ளது. அங்குள்ள குன்றின் அடிப்பாகத்தில் இயற்கையாக அமைந்துள்ள குகை தளத்தின் மேல்பகுதியில் பல்லவர் காலத்து சமணச் சிற்பங்கள் வரையப்பட்டிருந்தது. தற்போது அவைகள் காலப்போக்கில் பெரும்பகுதி உதிர்ந்துவிட்டது. ஓவியங்கள் இருந்தமைக்கான எச்சங்கள் மட்டுமே அங்கும் இங்கும் காணப்படுகிறது. முனைவர் நாகசாமி அவர்கள் தமது ஓவியப்பாவை என்ற நூலில் இங்குள்ள ஓவியம் குறித்து விரிவாக எடுத்துரைக்கின்றார். எனினும் தற்பொழுது அங்கு ஓவியங்கள் உதிர்ந்துவிட்டன. இவ்ஓவியங்களுக்கு கீழே சமணக் கல்படுகைகளும் கி.பி. 7 மற்றும் 8-ம் நூற்றாண்டில் கட்டப்பட்ட சமணர்கள் வாழ்ந்த கட்டிட பகுதிகளும் உள்ளன. இந்நினைவுச் சின்னத்திற்கு மிக அருகாமையிலேயே பெருங்கற்கால நினைவுச்சின்னங்கள் சிலவும் கருப்பு, சிவப்பு மட்பாண்ட ஓடுகளுடன் கூடிய சாம்பல்மேடு ஒன்றும் உள்ளது.

கண்டி மன்னர் கல்லறை

Tombs of Ceylon Kings family, Muthu mandapam

கண்டி மன்னர் கல்லறை

இலங்கையில் கடைசியாக ஆட்சி செய்த தமிழ் மன்னனான விக்கிரம சிங்க ராஜ மன்னனின் கல்லறை கண்டி மன்னன் கல்லறை என அழைக்கப்படுகிறது. இந்நினைவுச் சின்னம் வேலூாில் உள்ள பாலாற்றங்கரையில் புதிய பேருந்து நிலையத்திற்கு மேற்கே சுமாா் 150 மீட்டர் தூரத்தில் அமைந்துள்ளது. அது தற்பொழுது மக்களால் முத்து மண்டபம் என அழைக்கப்படுகிறது.

இலங்கையின் கண்டியை ஆட்சி செய்த ராஜாதிராஜனுக்கு வாரிசில்லாமல் போகவே அவருக்குப்பின் அவரது மனைவியின் தம்பியான கண்ணுசாமி தமது 18வது வயதில் விக்கிரம ராஜசிங்கன் என்ற பட்டப் பெயருடன் கண்டி மன்னராக்கப்பட்டார்.

விக்கிரமராஜசிங்கன் 26 ஆண்டுகள் ஆங்கிலேயரை எதிர்த்துப் போரிட்டான். ஆயினும் இறுதியில் பரங்கியர் படை வென்றதால் மன்னனும் அவனது குடும்பத்தினரும் அரண்மனையைவிட்டு வெளியேறியும், அவா்களை ஆங்கிலேயர் சிறைபிடித்து கண்டியில் இருந்தால் மன்னருக்கு மக்களின் ஆதரவு பெருகும் என பயந்து மன்னரையும் அவரது குடும்பத்தினரையும் வேலூருக்கு நாடு கடத்தி 8-3-1816 முதல் வேலூா் கோட்டையில் அவர்களைச் சிறைவைத்தனா். 16 ஆண்டு கால சிறைவாசத்திற்கு பிறகு விக்கிரம சிங்க ராஜா 31-1-1832-ல் மரணம் எய்தினார். அவரது உடல் பாலாற்றங்கரையில் புதைக்கப்பட்டது. அவருக்கு அருகிலேயே அவரது உறவினர்களின் உடல்களும் அடக்கம் செய்யப்பட்டது. இதுவே கண்டி மன்னர் கல்லறையாகும்.
புகைப்படத் தொகுப்பினைக் காண இங்கே சொடுக்கவும்

கஞ்சா சாகிப் கல்லறை – சோளிங்கர்

Kanja Sahib Tomb, Sholingar

கஞ்சா சாகிப் கல்லறை – சோளிங்கர்

வாலாசா வட்டம், சோளிங்கர் பேருந்து நிலையத்திற்கு எதிரே முக்கிய சாலையின் ஓரத்தில் இச்சின்னம் அமைந்துள்ளது. 15 அடி அகலமும், 35 அடி நீளமும் கொண்ட இக்கல்லறை கஞ்சா சாகிப் கல்லறை என அழைக்கப்படுகின்றது. இச்சின்னம் தமிழ்நாடு அரசு தொல்லியல் துறையால் பாதுகாக்கப்படும் சின்னங்களில் ஒன்றாகும். இக்கட்டிடம் சுதையாலும், செங்கற்கலாலும் கட்டப்பட்டதாகும். கி.பி.1781-ஆம் ஆண்டு ஆங்கில படைகளுக்கும் திப்புசுல்தான் படைகளுக்கும் இடையில் சோளிங்கரில் நடந்த போரின் பொழுது திப்புசுல்தான் படையின் சார்பில் போரிட்டு மரணமடைந்த படைவீரர்களின் உடல்கள் மொத்தமாக இங்கு அடக்கம் செய்யப்பட்டுள்ளது. ஒரு பெரிய குழிவெட்டி அதில் மொத்தமாக வீர மரணமடைந்த வீரர்களின் உடல்கள் மண்ணில் மூடப்பட்டது என நம்பப்படுகின்றது. இதனை அறிய இதன் நுழைவாயின் மேல் உள்ள ஆங்கிலக் கல்வெட்டு ஒன்று தெளிவாக்குகின்றது.

அக்கல்வெட்டு பின்வருமாறு உள்ளது.
This tomb which is belived to mark the spot
where the bodies of the
Slain of the Mysore Army were intepred
is conserved by the Government of India
to commemorate the Battle of Sholinghur 1781.
புகைப்படத் தொகுப்பினைக் காண இங்கே சொடுக்கவும்